دەمیرتاش: تەندروستیم باش نییە

10:29 - 09/12/2019
کوردستان

سەڵاحەدین دەمیرتاش هاوسەرۆکی پێشوی پارتی دیموکراتی گەلان (هەدەپە) بۆ رۆژنامەی( ئەڤرەنسەل) ی تورکی ، دەربارەی ڕەوشی تەندروستی خۆی ڕایگەیاند، هەندێک جار ئازار دەکەوێتە سنگی و توشی تەنگەنەفەسی دەبێت، و لە پشکنینەکانیشی بەردەوامە وبەڵام، هەتا ئێستا نەخۆشیەکەی دەستنیشان نەکراوە.

دەمیرتاش ئاماژەی بۆ ئەوەشکردووە، بەداخەوە ڕەوشی تەندروستی من زۆر باش نیە، بەڵام ئاشکرانەکردنی دۆخی تەندروستیم بۆ ڕایگشتی و حزبەکەم  بڕیاری تاکەکەسی خۆم بووە.

وتیشی، لە نێوان من و حزبەکەم هیچ کێشە و ناکۆکیەک نییە و لە ئێستادا لە ناو زیندانەکانی تورکیادا بە دەیان کورد دەستگیرکراون کە توشی نەخۆشی سەخت بون، بۆیە من نەمویست بۆ هۆی نەخۆشیەکەمەوە دەرکەوم.

سەڵاحەدین دەمیرتاش هاوسەرۆکی پێشوی پارتی دیموکراتی گەلان ( هەدەپە) ماوەی سێ ساڵە لە تورکیا زیندانی کراوە و هەفتەی ڕابردوش بە هۆی نەخۆشیەوە لە زیندانی ئەدیرنەوە بۆ نەخۆشخانە گوازرایەوە.

 
1948 جار خوێندراوەتەوە