عەبدولمەهدی لەسەر سەردانەکەی جێگری سەرۆکی ئەمریکا هاتە دەنگ

07:11 - 23/11/2019
عێراق

جێگری سەرۆکی ئەمریکا بەسەردانێکی پێشتر رانەگەیەندراو گەیشتە عێراق و سەردانی بنکەی سەربازی عەین ئەسەدی لە پارێزگای ئەنبار کرد

مایک پێنس لە تویتەر رایگەیاندوە، بۆ بەسەربردنی جەژنی سوپاسگوزاری لەگەڵ هاوسەرەکەی سەردانی سەربازانی سوپای وڵاتەکەی کردوە.

هاوکات نوسینگەی راگەیاندنی عادل عەبدولمەهدی رایگەیاندوە سەردانەکە بەرێککەوتن بووە وئاگاداری سەردانەکەین.

ئاماژەی بەوەشکردوە مایک پێنس لە ئەنبارەوە بەتەلەفون قسەی لەگەڵ عادل عەبدولمەهدی کردوە و باسیان لە چاکسازییەکان و داواکارییەکانی خۆپیشاندەران کردوە.

نوسینگەی راگەیاندنی سەرۆک وەزیرانی عێراق باسی ئەوەشیکردوە هەردوولا باسیان لە هاوکارییەکانی نێوان هەردوو وڵات کردوە و مایک پێنس سڵاوی تایبەتی ترەمپی گەیاندوە بە گەلی عێراق.

هەروەها عادل عەبدولمەهدی پیرۆزبای جەژنی سوپاسگوزاری لە مایک پێنس و هاوسەرەکەی کردوە.

12700 جار خوێندراوەتەوە