یەکێک لە کەشتییە فڕۆکە هەڵگرەکانی ئەمریکا و بە یاوەری دەیان کەشتی جەنگی دیکە بەرەو کەنداوی بەسرە بەڕێکەوتن.

بەپێی هەواڵێکی ئاژانسی رۆیتەرز، کەشتی فڕۆکە هەڵگری ئەمریکی USS ئەبراهام لینکۆڵن و چەند کەشتییەکی جەنگی دوای ئەوەی بە گەرووی هورمزدا تێپەڕین، روویان لە کەنداوی بەسرە کرد. 

بەپێی هەواڵی ئاژانسەکان، دوای ئەوەی وێنەی ئەو کەشتییانە کە بە گەرووی هورمزدا تێپەڕین و رووە و کەنداوی بەسرە بەڕێکەوتن بڵاوکرانەوە، ئەگەر هەیە جاریکی دیکە ئاڵۆزیی بخاتەوە پەیوەندی نێوان ئەو وڵاتانەی بەرژەوەندییەکانیان لە گەرووی هورمزدایە.

ئەم هەنگاوەی ئەمریکا لە کاتێکدایە پەیوەندییەکانی تاران و واشنتۆن لە ئاستێکی خراپدایە.

کاتێک پنتاگۆن لە مانگی ئایاری رابردووشدا ئەم کەشتییە فڕۆکە هەڵگرەی ناردە کەناراوەکانی کەنداوی عومان، جیهان لە سەرهەڵدانی جەنگێکی نوێ دەترسا و زۆربەی وڵاتانی ناوچەکە و جیهانیش هۆشیارییان دایە ئەمریکا و وڵاتە ناکۆکەکان.