ئیڤانکا، کچی سەرۆکی ئەمریکا، سەرقاڵی ئامادەکارییە بۆ یادکردنەوەی دەیەمین ساڵیادی هاوسەرگیرییەکەی، ئەمساڵ بەشێوازێکی جیاواز وه‌سفی هاوسه‌ره‌كه‌ی ده‌كات و میدیاكانی جیهان چاودێری ئه‌وه‌ ده‌كه‌ن روماڵێكی جیاواز بۆ ئاهه‌نگی هاوسه‌رگیرییه‌كه‌ بكه‌ن.

لە بەرواری ٢٥ی ئۆکتۆبەری هەموساڵێک ئیڤانکا ترەمپ و جەیرد کوشنێر یادی هاوسەرگیریان بە ئاهەنگێک دەگێڕن و هەر ساڵێک جیاوازتر لە ساڵانی پێشتر ئیڤانکا وه‌سفی هاوسه‌ره‌كه‌ی ده‌كات و له‌ساڵی 2009دا ئاهه‌نگی هاوسه‌رگیرییه‌كه‌ی یه‌ك ملیۆن دۆلاری تێچوه‌.

ساڵی پێشو لە یادی هاوسەرگیریەکەیاندا ئیڤانکا لە تویتێکیدا نوسی: "تۆ ڕوناکی منیت، خۆشەویستمیت، ژیانمیت، بەخۆشی بێت نۆیەمین ساڵیادی هاوسەرگیریمان جەیرد".

ئەمساڵیش لە تویتێکیدا لە ٢٤ ی ئەم مانگەدا کە ڕۆژێک پێش هاوسەرگیریانە نوسیویەتی: "چاوەڕێم سبەینێ، دەیەمین ساڵیادی جوانترین هاوسەرگیرم لەگەڵ خۆشەویستەکەم پیرۆزبکەم".

ئیڤانکا و هاوسەرەکەی لەناو کۆشکی سپیدا دوو نزیکترین کەسی سەرۆکی ئەمریکان، راوێژی پێشكه‌ش ده‌كه‌ن، ئیڤانكا خۆی ڕاوێژکاری سەرۆکی ئەمریکایە و ڕۆڵێکی گرنگی هەیە لە پەروەردەکردن و گەشەسەندنی لایەنی ئافرەتان و په‌روه‌ده‌ی خێزان، هەروەها دروستکردنی هەلیکار بۆ ئافرەتان  وڕاهێنانی ژنان بۆ گەشەسەندنی ئابوری و زیادکردنی بەهرەکانیان، جگە لەمانە یەکێکە لە ژنە بازرگانەکانی ئەمریکا و نوسەرێکی بەتوانایە.

ئەم خانمە جگە لە چالاکیەکانی وا دەردەکەوێت خۆشەویستیەکی زۆر لەنێوان خۆی و هاوسەرەکەیدایە كه‌ له‌ ساڵی 2007 به‌هۆی مامه‌ڵه‌ی بازرگانییه‌وه‌ ئاشنایه‌تی له‌گه‌ڵیدا په‌یدا كردووه‌ و پاش گۆڕینه‌وه‌ی ئه‌ڵقه‌ی هاوسه‌ریگریه‌كه‌یان، لە ئێستادا خاوەنی سێ منداڵن بە ناوەکانی ئارابێلا، جۆسیف، سیدۆرا.

له‌ میدیاكانی جیهاندا، جموجوڵ و لێدوان و هه‌ڵسوكه‌ت و پۆشاكه‌كانی ئیڤانكا ترامپ، زۆر چاودێری ده‌كرێت و ده‌نگدانه‌وه‌ی زۆری هه‌یه‌، ئه‌مجاره‌ په‌یوه‌ندییه‌ سۆزدارییه‌كه‌ی نێوان ئه‌و خێزانه‌ له‌ كۆشكی سپی ئه‌مریكا، ده‌نگدانه‌وه‌یه‌كی جیاوازی هه‌یه‌ و دیوێكی دیكه‌ی ژیانی سیاسه‌تمه‌داره‌ كاریگه‌ره‌كانی ئه‌و وڵاته‌ نیشان ده‌دات و هه‌واداره‌كانیان سه‌رقاڵی خۆیان كردووه‌.