سەرۆککۆماری تورکیا مەرجی راوەستاندنی هێرشەکانی بۆسەر ڕۆژئاوا ئاشکراکرد و دەڵێت ئەگەر یەپەگە لەو ڕووبەڕەی بۆ ناوچەی ئارام درووستکراوە بکشێتەوە ئەوا ئۆپراسیۆن کۆتایی دێت.

ڕەجەب تەیب ئەردۆغان، سەرۆککۆماری تورکیا لە وتارێکدا لە پەرلەمانی وڵاتەکەی ڕایگەیاند " یەپەگە بە درێژای ٩٠ کیلۆمەتر تونێلی لێداوە و ئەو تونێلەش بە چیمەنتۆی فەرەنسی درووستکراوە، ئێمە دڵنیاین کە زۆرینەی وەلاتانی ئەوروپی چەکیان داوەتە یەپەگە، بەڵام چەک بۆ ئێمە ڕادەگرن".

ئاماژەی بەوەشکرد " بە درێژای مێژوو تورکیا کەسی سڤیلی نەکوشتووە و ناشی کوژێت، داوای ئێمە ئەوایە یەپەگە چەکەکانیان دابنێنن و تەڵەکانیان لابەرن، تا ئێمەش بووەستین".

لەسەر سزا ئابوورییەکانی سەر وڵاتەکەی ئەردۆغان ڕایگەیاند " بۆ ئه‌وانه‌ی به‌ هۆی پێشهاته‌كانی سووریاوه‌ به‌ سزای ئابووریی هه‌ڕه‌شه‌مان لێده‌كه‌ن، ده‌ڵێین له‌ كه‌م كه‌م ده‌ڕوا و له‌ زۆر زۆر".