هێزەکانی سوریای دیموکرات ژمارەی شەهید و
بریندارەکانی ئاشکراکرد و ڕایگەیاند، لەئەنجامی هێرشەکانی تورکیا هەشت کەس شەهید بوون.
ناوەندی ڕاگەیاندن و چاپەمەنی هەسەدە دەڵێت
"لەئەنجامی هێرش و تۆپبارانەکانی تورکیا بۆسەر باکوری ڕۆژهەڵاتی سوریا ٣
شەڕڤانی هەسەدە و پێنج هاوڵاتی سڤیل شەهیدبوون".
هاوکات ئەوەش ئاشکراکراوە کە بەهۆی
بۆردوومانەکانەوە دەیان بریندار هەیە.
ئێوارەی ئەمڕۆ تورکیا بە بۆردوومان هێرشی سەر ڕۆژئاوای دەستپێکرد و بەهۆی بۆردوومانی ناوەندی شارەکانەوە لە قامشلو چەند کەسێک بەرکەوتن.
ئیوارەی ئەمڕۆ سەرۆک کۆماری تورکیا رایگەیاند، ئۆپراسیۆنی سوپای تورکیا بۆ سەر خۆرهەڵاتی فورات " رۆژئاوی کوردستان" دەستیپێکردووە.
ره‌جه‌ب ته‌یب ئه‌ردۆغان سه‌رۆك كۆماری توركیا لە توویتێکدا رایگەیاند، سوپای توركیا و سوپای میللی سوریا ئۆپه‌راسیۆنی "كانی ئاشتی" ـیان له دژی رێكخراوه‌كانی په‌كه‌كه/یه‌په‌گه و داعش له باكوری سووریا ده‌ستپێكردووە.
5579 جار خوێندراوەتەوە