عێراق... قەدەغەی هاتوچۆ هەڵگیرا

09:46 - 05/10/2019
عێراق

بەفەرمانی عادل عەبدولمەهدی، سەرۆک وەزیرانی عێراق، قەدەغەی هاتوچۆ لە بەغدای پایتەخت و چەند شارێکی دیکە هەڵگیرا.

میدیاکانی عێراق بڵاویانکردەوە، لەسەر فەرمانی عادل عەبدولمەهدی، سەرۆک وەزیرانی عێراق، لە کاتیژمێر پێنجی بەرەبەیانی ئەمڕۆوە قەدەغەی هاتوچۆ لە بەغدا و چەند شارێکی دیکەی باشوری عێراق هەڵگیراوە.

 

ئەم بڕیارە لە کاتێکدایە، لە بەرەبەیانی رۆژی پێنجشەممەی رابردوووە وەك هەوڵێك بۆ دامركاندنەوەی خۆپیشاندانەكان، قەدەغەی هاتوچۆ لە شارەكانی بەغدا و ناوەند شارەكانی زیقار، میسان و نەجەف راگەیەندرا و تاوەکو ئەمڕۆ بەردەوام بوو.


ئەم فەرمانەی عادل عەبدولمەهدی دوای ئەوە هات كە لە ماوەی چەند رۆژی رابردوودا، خۆپیشاندان و ناڕەزایەتیی دژ بە گەندەڵی، بێكاری و خراپی خزمەتگوزارییەكان شاری بەغدا و چەند شارێكی باشوری عێراقی گرتەوە، ئاڵۆزی لە نێوان خۆپیشاندەران و هێزە ئەمنییەكاندا روویدا و بە هۆیەوە تا ئێستا ٦٠ كەس كوژراون.

479 جار خوێندراوەتەوە