فەیسبوک ناچاردەکرێت نامە تایبەتەکانی بەکارهێنەران ئاشکرابکات

12:03 - 29/09/2019
زانستی

حکومەتی بەریتانیا، فەیسبوک و واتسئاپ ناچاردەکات لە کاتی رووداوی تیرۆریستی و دەستدرێژی سێکسی، نامە و پەیامە تایبەتەکانی تۆمەتباران ئاشکرا بکات.

بە مەبەستی ناچارکردنی فەیسبوک و واتسئاپ بۆ ئاسانکردنی دۆزینەوەی تۆمەتباران، مانگی داهاتوو، پریتی پتێڵ وەزیری ناوخۆی بەریتانیا لەگەڵ ویلایەتە یەکگرتوەکانی ئەمریکا رێککەوتنێک واژۆ دەکات و کۆمپانیای فەیسبوک ناچار دەکەن ئەو گفتوگۆ تایبەتانەی هەیە رادەستیان بکات.

بەپێی رێککەوتنەکە، لە کاتی کردەوەی تیرۆریستی و دەستدرێژی سێکسی لەسەر تۆڕی کۆمەڵایەتی فەیسبوک و واتسئەپ، کۆمپانیای فەیسبوک ناچار دەکرێت زانیارییە تایبەتەکان ئاشکرا بکات.

پریتی پتێڵ لەگەڵ بەرپرسی دژەتیرۆر لە لەندەن دەڵێن، ئامانج لەم رێککەتنە، سود وەرگرتنە بۆ ئاسانکردنی دۆزینەوەی تۆمەباران و کەمبونەوەی تاوان و سەلامەتی هاوڵاتییان.

بەپێی بڵاوبوونەوەی راپۆرتێکی ناوخۆیی بەریتانیا، تۆمەتباران تۆڕەکۆمەڵایەتییەکان بەکاردێنن بۆ ئەنجامدانی کاری تیرۆرستی یاخود دەستدرێژی سێکسی یان دزیکردن و هەر کردەوەیەکی دیکەی نایاسایی.

پاش رێککەوتنەکە، هێزە ئەمنییەکان دەتوانن لەرێگەی نامەکانی فەیسبوک و واتسئاپی تۆمەتبار، کارو چالاکییەکانی خۆیان بۆ دۆزینەوەو بەدواداچوون ئاسانتر بێت.

 
846 جار خوێندراوەتەوە