ئەمریكا؛ ١٨ ساڵ بەسەر هێرشەكانی ١١ی سێپتێمبەردا تێپەڕدەبێت

10:36 - 11/09/2019
جیهان

ئەمڕۆ ١٨ ساڵ بەسەر هێرشە تیرۆریستیەكانی ١١ی سێپتێمبەری ساڵی ٢٠٠١ی سەر دوو باڵەحانە بازرگانیەكەی ئەمریكا تێپەڕ دەبێت كە تیایدا نزیكەی سێ‌ هەزار كەس گیانیان لەدەستدا.

 
بەپێی گێڕانەوە فەرمییەكانی حكومەتی ئەمریكا, ڕۆژی سێشەممە, ١١ی ئەیلولی ساڵی ٢٠٠١ , ١٩ كەس كە پەیوەندییان بە ڕێكخراوی تیرۆریستی ئەلقاعیدەوە هەبووە, هەستاون بە جێبەجێكردنی پلانێكی تیرۆریستی بۆ سەر دوو تاوەری بازرگانی نێودەوڵەتی لە مانهاتن و بارەگای وەزارەتی بەرگری ئەمریكا پنتاگۆن.

ئاماژەبەوەشكراوە, تیرۆریستەكان لەڕێگەی ڕفاندنی چوار فڕۆكەی بازرگانی و نەفەر هەڵگرەوە, هێرشەكانیان ئەنجامداوە و سەرەتاش لەڕێگەی دوو فڕۆكەوە, هەردوو تاوەرە بازرگانیەكەیان لە كاتژمێر 8:46 خولەك و 9:03 خولەكی بەیانی كردە ئامانج, و دوای زیاتر لە نیو كاتژمێریش فڕۆكەیەكی دیكە خۆی كێشا بە بینای پنتاگۆندا, بەڵام فڕۆكەی چوارەم نەگەیشتە ئامانجەكەی كە بینای پنتاگۆن بوو.

لە هێرشەكانی ١١ی سێپتێمبەردا, جگە لە برینداربونی چەندین كەس و ژەهراویبون بەهۆی دوكەڵ‌ و كاریگەری ڕوخانی باڵەخانەكانەوە, هاوكات دوو هەزار ٩٧٣ كەس كوژران‌ و ٢٤ كەسیش بێسەروشوێن بون.

467 جار خوێندراوەتەوە