كۆیە؛ پیاوێك تەمەنی نزیكەی 80 ساڵە و تائێستا سەردانی پزیشكی نەكردوە

08:41 - 11/06/2019
کوردستان

كۆیە؛ پیاوێك تەمەنی نزیكەی 80 ساڵە و سەرقاڵی كاری جوتیارییە

 
حاجی حەسەن تەیفور, هاوڵاتیەكی تەمەن نزیك 80 ساڵی دانیشتوی گوندی كێلەزیندانی سەر بەقەزای كۆیەیە, كە لە ئێستادا سەرقاڵی كاری جوتیارییە, وەك خۆی دەلێت: لە پەنجاكانی سەدەی ڕابردوو یەكێك بوە لەو كەسانەی كە وەك كرێكار لە دروستكردنی بەنداوی دوكان كاری كردوە و هەر بەوهۆیەوە لەو كاتەوە زمانەكانی عەرەبی و كەمێكیش زمانی فەرەنسی فێربوە.


حاجی حەسەن دەڵێت: هەرچەندە تەمەنی زۆرە بەلام بەهۆی ئەوەی بەردەوام خواردنە كوردەوارییەكان دەخوات تا ئیستا سەردانی پزیشكی نەكردوەو تەندروستی جێگیرە، لەگەڵ ئەوەشدا دەنگێكی خۆشی هەیە.

هەرچەندە بە تەمەن پیرە و نزیكەی هەشتا ساڵە، بەڵام هێشتا خۆی بە گەنج دەزانێت.

لە ساڵانی پەنجاكاندا كرێكار بووە لە دروست كردنی بەنداوی دووكان، ئەو بەنداوەی كە هەزاران دۆنم زەوی پاراو كردووە، بەڵام حاجی حسن لە زەویەك كاری كشتوكاڵی دەكات كە هیج ئاوێكی تیا نیە.

 جگە لە زمانی كوردی، زمانەكانی عەرەبی و كەمێكیش فەرەنسی دەزانێت كە لەكاتی دروست كردنی بەنداوی دووكان فێر بووە.

حاجی حسن وەكخۆی دەڵێت هەتائێستا نەخۆش نەكەوتووەو سەردانی پزیشكی نەكردووە، ئاماژە بەوەش دەكات كە تەنها خواردنە كوردەواریەكان دەخوات.

حاجی حەسن كە زۆرجاران لەكاروباری ماڵەوەدا هاوكاری هاوسەرەكەی دەكات، ئێستا لە خانویەكی سادە لە لە گوندی كێلەزیندان لە سنوری ناحیەی ئاشتی لە قەزای كۆیە ژیان بەسەر دەبەن.

5726 جار خوێندراوەتەوە