كەسوكاری شەهید رێبەند داوادەكەن تۆمەتباران بەسزای یاسای بگەن

07:56 - 11/06/2019
کوردستان

هەر لەبارەی شەهید كردنی رێبەند فەرهاد پارێزگاری خۆبەخشی مە كۆی سەرەكی بزوتنەوەی گۆڕان ، بریندارەكانی ئەو ڕوداوە، راستی چیرۆكەكە ئاشكرادەكەن باس لە چەكداری دەمامكداردەكەن كەلەپشتەوە تەقەیان لەشەهید رێبەند كردووە ، ئەندامێكی لیژنەی ناوخۆ لەپەرلەمانی كوردستانیش دەڵێت : لەلیژنەی بەدواداچون بۆ ئەو ڕوداوە پێكدەهێنین‌و بەدواداچون دەكەین .

هەر بەیانی زووی ئەو ڕۆژە لە بەردەم ماڵەكەی خۆی خێمەیان هەڵداو پرسەیان بۆدانا، پرسەكەی رێبەند پرسەیەكی قەرباڵغبوو.

هەرچەند بزوتنەوەی گۆڕان لەبایاننامەیەكدا ڕاستی ڕوداوەكەی ئاشكراكردوە بەڵام یەكێك لەبریندارەكان وێنەی ڕوداوەكە باس دەكات دەڵێت چەكدار دەمامكدار لەپشتەوە هێرشیانكردە سەر شەهید ڕێبەند ‌و شەهیدیانكرد كاتێك ئەوان بۆ پارێزگاری لەمەكۆی سەركەی بزوتنەوی گۆڕان لەوێ بوون.

ئەبوبەكر هەڵەدنی لەمیانی بەشداریكردنی لەپرسەكەی رێبەنددا وتی ئەوان لەلیژنەی ناو خۆ لەپەرلەمانی كوردستان لیژنەیەكی بەداوداچون بەم ڕوداوە پێكدەهێنن.

ئەم گریان بێدەنگەی ئەم پیاوە بۆ كوژرانی كورێكە بەناوی رێبەند فەرهاد كە وەك پارێزەرێكی خۆبەخش لە مەكۆی سەرەكی گۆڕان بەتەقەی چەند چەكدارێكی دەمامكدار شەهید بوو.

باوكی دەڵێت، كورەكەم بێ تاوان بوو داوادەكەم حەقم بسێندرێت.

هاوڕێییەكیشی بەمشێوەیە باسی بوێری ‌و ڕاستگۆی رێبەند دەكات.

ئێستا دایك‌ و خێزان‌ و خوشك‌ و براكانی یەك داواكارییان هەیە ئەویش بەسزاگەیاندنی ئەو كەسانەن لەپشت كوشتی كورەكەیانەوەیە.
 
هەروەك چۆن لەبەیاننامەكەدا بزوتنەوەی گۆڕان ئاماژەی پێكردووە داوای لێكۆڵینەوە بەدواداچون پاراستی ئارامی سلێمانی دەكات داواش دەكرێت بەر بەمجۆرە كاروكردەوە قێزەونانە بگیرێت بۆئەوەی چیتر خەڵكی وەك كاكە رێبەندی تێدا شەهید نەبێت.

1813 جار خوێندراوەتەوە