له‌ وڵاتی توركیا و له‌پارێزگاكانی به‌دلیس، وان و موش و هه‌كاری به‌ هۆی به‌فر و سه‌رماوسۆڵه‌وه‌ رێگای 296 ناوچه‌ی نیشته‌جێبوون به‌ڕووی هاتوچۆدا داخراوه‌ و له‌ هه‌ندێك له‌و پارێزگایانه‌شدا 10 مه‌تر به‌فر باریوه‌.

له‌ راگه‌یه‌ندراوێكدا هاتووه‌، له‌ وان رێگای هاتوچۆی 179 ناوچه و ‌له‌ هه‌كاری پێنج گوند و 11 كێڵگه‌ی سه‌ربه‌ ناوه‌ندی شار و له‌ شارۆچكه‌ی یوكسەكۆڤا ریگاوبانی شه‌ش گوند و 20 كێڵگه‌ و له‌ موش رێگای هاتوچۆی 120 گوند و 22 كێڵگه‌ و ‌ له‌ به‌دلیس رێگاوبانی 44 گوند داخراون و به‌شێك له‌و كێڵگانه‌ به‌هۆی تیمه‌كانی شاره‌وانیه‌وه‌ كراونه‌ته‌‌وه‌.

له‌ ناوچه‌كه‌دا كه‌ ئاستی به‌فر گه‌یشتووه‌ته‌ 10 مەتر تیمه‌كان له‌ رێگای به‌كارهێنانی پێنج گرێده‌ر و شۆفڵه‌وه‌ به‌رده‌وامن له‌سه‌ر كردنه‌وه‌ی ئه‌و رێگایانه‌ و ئامانجیانه‌ له‌ ماوه‌ی 2-3 رۆژدا ئه‌و ریگایانه‌ بكه‌نه‌وه‌.