ئاساموا جیان خاوەنی 600 پاوەندە

10:35 - 29/12/2018
وەرزش


ئاساموا جیانی غانی مایەپوچبونی خۆی راگەیاند، لە ئێستاشدا تەنها خاوەنی 600 پاوەندە.

 
سەرچاوەكانی هەواڵ بڵاویانكردۆتەوە، دوای رۆناڵدینیۆی بەرازیلی، ئاساموا جیانی غانیش مایەپوچبونی خۆی راگەیاندووەو ئاماژەی بەوە كردووە كە قەرزدارەو تەنها خاوەنی 600 پاوەندە.


ئاساموا جیان هەرچەندە لە ئێستادا یاریی بۆ یانەی قەیسەری توركی دەكات بەڵام هۆكاری لەدەستدانی سامانەكەی ئاشكرانیەو بەپێی رۆژنامەكانیش ئەو یاریزانە سامانەكەی لە قوماردا دۆڕاندووە.


ئاساموا جیان پێشتر یاریی بۆ یانەكانی ئۆدنێزی و مۆدینا و سەندەرلاند و عەین و شەنگەهای كردووەو بڕێك پارەی باشی لەو یانانە وەك موچەی ساڵانە وەرگرتووە، لە ئێستادا ئەو یاریزانە تەمەنی 33 ساڵەو بەرەو كۆتایی ژیانی وەرزشی دەڕوات بەڵام گیرفانی بەتاڵەو تەنها خاوەنی 600 پاوەندە.


1509 جار خوێندراوەتەوە