بەهۆی ئەو شەپۆلە بارانبارینە بەخوڕەی ناوچەكەی گرتەوە مەترسی ئەوە هەیە پردی داقوق بڕووخێت، كە درێژترین پردی عێراقەو هەردوو پاریزگای كەركووك و بەغدا بەیەكەوە دەبەستێتەوە.
كایماز دەمیرجی، بەڕێوەبەری فەرمانگەی رێگاوبانی پارێزگای كەركووك رایگەیاند: بەهۆی ئەو لافاوەی لە ئاكامی بارانبارینە بەخوڕەكەی هەفتەی ڕابردوو ناوچەكەی گرتبووەوە زیان بەر پردی داقوق كەوتووە، كە درێژیەكەی یەك كیلۆمەترە.
دەمیرجی ئاماژەی بەوەشداوە، كە پردەكە لەسەر 23 پایە بونیات نراوە و لەگەڵ بەرزبوونەوەی ئاستی ئاو، بەشی خوارەوەی پایەكانی پردەكە زیانیان بەركەوتووە و مەترسی رووخانی پردەكە ئێجگار زۆر بووە.
ئاماژەی بۆ ئەوەشكردووە: وەك گرتنەبەری رێوشوێنی پێویست بە شێوەیەكی كاتی هاتوچۆی ئۆتۆمبێلە بارهەڵگرەكانیان راگرتووە لەسەر پردەكەو لە نزیكترین كاتدا دەست دەكەنەوە بە نۆژەنكردنەوەی.
1914 جار خوێندراوەتەوە