بزوتنەوەی گۆڕان وەك هێزێكی سیاسی كاریگەرلەناوچەكە لەماوەی دامەزراندنیەوە تا ئێستا رۆڵێكی بەرچاوی بینیوە لە وشیاركردنەوەی تاكی كوردی بەرەو بەدەستهێنانی مافەكانیان و كردنی خەونەكانیان بە راستی كە ساڵانێكە لەم هەرێمە دۆخی خەون و خەیاڵی تێنەپەراندوە ،بۆیە گۆڕان هەمیشەلە هەوڵدابوە بۆ ئاواكردنی ژێر خان و ئایدۆلۆژیایەكی نوێ بۆ بە سیستماتیك كردنی دەزگاحكومیەكان و كۆمەڵگایەكی دیموكراتیك .
گۆڕان پلانی ستراتیژی خۆی نەك تەنهابە قسە بەڵكو بەكرداریش گرێدراوی پرەنسیبی دیموكراسی كردوە
سیاسەتی بزوتنەوەی گۆڕان بە گوێرەی بەرژەوەندییە تەسكیەكان نەهاتۆتە ئاراوە وهەمیشە هەڵوێستەكانی لەسەربنەمای گەیشتن بە بەرژەوەندی گەل هەڵسەنگاندوەو لەئاكامی ئەم سیاسەتەش پلانی ستراتیژی خۆی نەك تەنهابە قسە بەڵكو بەكرداریش گرێدراوی پرەنسیبی دیموكراسی كردوە.
ئێستاو دوای چەن رۆژێك لە هەڵبژاردنە پەرلەمانییەكەی عێراق كە بزوتنەوەی گۆران چەندین ساختەكاری بەرامبەر كراوەو بەرێژەیەكی زۆركورسییەكانی كەمكراوەتەوە كەئەڵبەت نابێ هەژمون و دەستی وڵاتانی لێ بێ بەری بكەین لەم پلانەدا، بۆیە لەداهاتویەكی نزیكداهەڵبژاردنێكی چارەنوس ساز لەبەردەم سیاسەتی بزوتنەوەكەو ئیرادەی ئەوانەی ساڵانێكە بەدەست دەسەڵاتی شكستخواردوی پارتی و یەكێتیەوە ئەناڵێنن ،بۆیە پێوێستە گۆران گوزارشتی بەرجەستەیی خۆی لەگۆڕەپانی سیاسیدابەبنەمابگرێت وسەرلەنوێ كۆمەڵگابۆ بنەرەت و رەسەنێتی خۆی بگەرێنێتەوەوكار بۆ دیسپلینی كادیرو و لایەنگرەكانی بكات و كۆمەڵگاو تاكێكی تەندروست پێ بگەیەنێت و هەست بە تەندروستی زهنی و رۆحی خۆیان بكەن وبەرگرییەكی رەوابەرامبەر بەمافەكانیان بكەن .
بزوتنەوەی گۆران هەروەك چۆن پەرەی بەرەهەندی ئەخلاقی وسیاسی خۆی داوە پێویستە هەڵبژاردنی ئەمجارەی پەرلەمان بكات بەدەرفەتی وشیاری راستینەیی گەل و لەمیانەی ئەم وشیارییەوە هەولی تاك لەتواناو بزاوتی پشتبەستوبەئیرادەی خۆی پەرەبسێنێت و ئەگەركۆسپیش لەبەردەمیان هەبێت دیسان گەشەكردنیان دەست لێبەرنەدراوبێت .
بۆیە پێویستە بزوتنەوەی گۆڕان هەڵبژاردنی پەرلەمانی كوردستان بكاتە دەرفەتێك بۆسەرلەنوێ پینەكردنەوەی ئەودرزو كەلێنانەی لەنێوان تاكی دەنگدەرو بەشداریكردنی لەم پرۆسەداهاتۆتەئاراوەو سیاسەتێكی هاوسەنگی كلاسیك پێرەوبكات كە لەوەهادۆخێكداگۆرانكاری هەنگاوبەرەو دواوە نەهاوێژێت .
2679 جار خوێندراوەتەوە