لیژنەی دارایی لە پەرلەمانی عێراق ڕایگەیاند، ناردنی پڕۆژەیاسای بودجە بۆ پەرلەمان تاوەکو ١٥ی تشرینی دووەمی داهاتوو دواخراوە، هاوکات جەخت لە هەوڵەکان بۆ دامەزراندنی هەمیشەییی فەرمانبەرانی گرێبەست و کرێکارانی ڕۆژانە دەکاتەوە.

عودەی عەواد، سەرۆکی لیژنەی دارایی ئاماژەی بەوە کرد؛ بۆ چارەسەرکردنی پرسی فەرمانبەرانی گرێبەست و کرێکارانی ڕۆژانە و جێگیرکردنیان لەسەر میلاکی هەمیشەیی، لە هەماهەنگیی بەردەوامدان لەگەڵ حکومەتی فیدراڵیدا.

پێشتر عەلی فالح زەیدی، سەرۆکوەزیرانی عێراق فەرمانی کردبوو سەرجەم گرێبەست و کرێکارانی ڕۆژانە بکرێنە هەمیشەیی، لەگەڵ جێگیرکردنی 120 هەزار پلەی وەزیفیی نوێ لە بودجەی ساڵی 2027دا. ئەو پلە نوێیانە بەپێی ڕێژەی دانیشتووان بەسەر پارێزگاکاندا دابەش دەکرێن و پرۆسەکەش لە ڕێگەی سەکۆیەکی تایبەتی دامەزراندنەوە دەبێت.

لای خۆیەوە فالح ساری، وەزیری دارایی جەختی کردەوە کە پارەی پێویست بۆ دامەزراندنی گرێبەست و کرێکارانی ڕۆژانە لە بودجەی 2027دا تەرخان کراوە. هەروەها ئاشکرای کرد کە بۆ ڕووبەڕووبوونەوەی گۆڕانکارییەکانی بازاڕ، نرخی نەوت لە بودجەکەدا بە شێوەیەکی نەرم دیاری کراوە.