تۆڕی هەواڵی (ئێن بی سی) لە زاری ئاژانسی هەواڵگریی ئەمەریکاوە بڵاوی کردەوە، هێرشەکانی ئیسرائیل بۆ سەر خاکی لوبنان، لەوانەیە ڕێککەوتنی ئاشتیی نێوان واشنتۆن و تاران بخاتە مەترسییەوە.

بەپێی ئەو هەواڵە بەپەلەیەی کە تۆڕە ئەمەریکییەکە لە ئاژانسی هەواڵگریی وڵاتەکەیەوە گواستوویەتیەوە، ئەو گرژییانەی بەهۆی هێرشە بەردەوامەکانی ئیسرائیلەوە لە لوبنان دروست بوون، کاریگەریی نەرێنی و چاوەڕواننەکراویان دەبێت و مەترسیی ڕاستەوخۆ لەسەر هەڵوەشانەوە یان تێکچوونی ئەو ڕێککەوتنەی ئاشتی دروست دەکەن کە لە نێوان ویلایەتە یەکگرتووەکانی ئەمەریکا و کۆماری ئیسلامیی ئێراندا هەیە.

سەرباری پێداگری ئێران لەسەر وەستانی شەڕ لە سەرجەم بەرەکان و چەسپاندنی ئەو مەرجە لە ناو رێککەوتنەکەی لەگەڵ ئەمریکا، بەڵام ئیسرائیل بەردەوامە لە هێرشەکانی بۆ سەر باشووری لوبنان و لە هێرشەکانی ئەمڕۆیدا لانیکەم 5 کەس کوژراون.