دۆناڵد ترەمپ، سەرۆکی ویلایەتە یەکگرتووەکانی ئەمریکا، ڕەخنەی توند لەو کەسانە دەگرێت کە پێیان وایە لە بەرامبەر کۆماری ئیسلامیی ئێراندا هەڵوێستی توند نەبووە و ڕایدەگەیەنێت، لە ئێستادا ئابووریی وڵاتەکەی لە بەرزترین ئاستدایە و نرخی نەوتیش ڕووی لە دابەزین کردووە.

ترەمپ لە پەیامێکدا هێرشی توند دەکاتە سەر نەیارەکانی و ڕایدەگەیەنێت: "ئەو گەمژانەی پێیان وایە من بەرامبەر ئێران بەتەواوی توند نەبووم، لە کاتێکدا بازاڕی پشکەکان گەیشتووەتە بەرزترین ئاستی پێوانەیی و نرخی نەوتیش خەریکە دادەڕمێت و دادەبەزێت، ئەوا ئەو کەسانە یان ئیرەیی دەبەن، یان کەسانی خراپن، یان گەمژەن."

لە کۆتایی پەیامەکەشیدا، سەرۆکی ئەمریکا دروشمە ناسراوەکەی خۆی دووپات کردووەتەوە و دەڵێت: "با ئەمریکا بکەینەوە بە مەزنترین."