لە درێژەی دیدارە سیاسییەکانی بزووتنەوەی گۆڕان بۆ لای لایەنە سیاسییەکانی هەرێمی کوردستان و نوێنەرایەتی پێکهاتەکان، شاندێکی بزووتنەوەی گۆڕان لە شاری هەولێر سەردانی مەکتەبی سیاسیی پارتی چاکسازیی تورکمانییان کرد.

هەواڵ : KNN

شاندی بزووتنەوەی گۆڕان پێکهاتبو لە (دلێر عەبدولخالق، شاخەوان ڕەئوف بەگ و ڕۆڤان سەروەت) ئەندامانی جڤاتی نیشتمانی و لەلایەن عەبدولقادر بازرگان، سەرۆکی پارتی چاکسازیی تورکمان و جێگرەکەی و ژمارەیەک لە ئەندامانی سەرکردایەتی ئەو حزبە پێشوازییان لێکرا.

شاندی گۆڕان ئاماژەیان بەوە کرد کە بزووتنەوەکە دوای کۆنفرانس و سەرباری سیاسەتە نەگۆڕەکانی، ئامانجیەتی پەیوەندییەکی تەندروست و بەهێزی لەگەڵ سەرجەم هێزە سیاسییەکانی هەرێم و عێراق هەبێت، بەتایبەت ئەو لایەنانەی نوێنەرایەتی پێکهاتە نەتەوەیی و ئاینییە جیاوازەکان دەکەن، ئەمەش لەپێناو پاراستنی تەبایی و پێکەوەژیان لە ناوچەکەدا.