هێزەکانی حەشدی شەعبی بۆردومان کران و بارەگاکانی سنوری سوریایان چۆڵ کرد

هێزەکانی حەشدی شەعبی رایانگەیاند شەوی رابردوو لە ناوچەی جرف سەخر لە باکووری پارێزگای بابل و لە پارێزگای ئەنبار دوو جار هێرش کراوەتە سەر هێزەکانمان و کوژراو برینداریان هەیە.

لە راگەیاندراوەکەدا دەڵێت درەنگانی شەوی ڕابردوو هێزەکانی ئەمریکا دوو هێرشیان کردە سەر بارەگاکانمان.

بەهۆی هێرشەکانەوە ژمارەیەک کوژراو و بریندار لە ڕیزەکانی حەشدی شەعبییدا هەن.

لە هەمان کاتدا، ئاژانسی هاوار ئەمڕۆ چوارشەممە بڵاوی کردەوە کە هێزەکانی حەشدی شەعبی بارەگا سەرەکییەکانی خۆیان لە سنووری نێوان عیراق و سوریا چۆڵ کردوە. هۆکاری چۆڵکردنی بارەگاکانیان بۆ خۆپاریزی لە بۆردومانەکانی ئەمریکا گەراندۆتەوە.

ئەمەش لە کاتیکدایە کە سەرچاوەکان باس لەوە دەکەن کە سوریا هێزی زیاتری ڕەوانەی سنورەکانی کردوە لەگەڵ عێراق