ڕێبەری ڕەوتی نیشتمانیی شیعە، سەید موقتەدا سەدر، ئەمڕۆ چوارشەممە، داوای کرد لە مانگی ڕەمەزانی پیرۆزدا نرخەکان زیاد نەکرێن و یارییان پێ نەکرێت.

هەواڵ:KNNC

موقتەدا سەدر لە نووسینێکدا لەسەر پلاتفۆرمی (X) بابەتێکی لەبارەی ڕەمەزان بڵاویكردەوە تێیدا، ڕایگەیاند: "لەکاتێکدا ئێمە بەرەو مانگی ڕەحمەت و ڕەزامەندی و مانگی میوانداری خودا (مانگی ڕەمەزانی پیرۆز) دەچین، نابێت ئەم مانگە فەزیڵەتە بۆ دەستکەوتی دنیایی و بە ڕێگەیەک کە دوور بێت لە ڕەحمەت و ڕەزامەندی خودای گەورە بەکاربهێنرێت."

ئەوەشی خستە ڕوو: "بۆیە نابێت یاری بە نرخەکان بکرێت و زیاد بکرێن، بەتایبەتی ئەوەی پەیوەندی بە خواردن و خواردنەوە و پێداویستییە سەرەکییەکانی ژیانی ڕۆژانەوە هەیە وەک کارەبا و ئاو.. چونکە ئەوە دەبێتە دەرگایەک بۆ بێبەشکردنی هەژاران و دەستکورتان و ئەو کەسە بەڕێزانەی کە نانی ڕۆژانەیان نییە و کەسی نەزان بەهۆی داوێنپاکییانەوە وایان بۆ دەچێت کە دەوڵەمەندن."...