خاوەنمۆلیدەکانی سلێمانی دەڵێن دوو مانگ بەر لە ئێستا هەشت کاتژمێر پارەیان داوەتە هاووڵاتییان و پارەیان پێنەدراوە، ئێستاش دەتوانن 15 ئەمپێر کارەبا بدەن بە 45 هەزار دینار.

هەواڵ:KNNC


خاوەن مۆلیدەكانی سلێمانی لە میانی دەربڕینی نەڕازایەتییاندا ڕایانگەیاند: مانگی كانونی یەكەم-12 هەشت كاتژمێر كارەبایان داوەتە هاووڵاتییان بەڵام حكومەت پارەی ئەو هەشت كاتژمێرەیان پێنادات، سەرباری بەڵێنەكانیان.

وتیشیان"ئەگەر تاكو سێشەممە لایەنە پەیوەندیدارەكان وەڵاممان نەدەنەوە، ئەوە خۆمان وەک خاوەن مۆلیدەكان پارەكە كۆدەكەینەوە و هەر ماڵێك هەزار دیناری لێوەردەگرین. "

لە بەشێکی قسەکانیاندا ئەو خاوەنمۆلیدانە وتیان، ئەگەر حكومەت هاوكارییان بكات و گازیان پێبدات، دەتوانن 15 ئەمپێر كارەبای بەردەوام بە 45 هەزار دینار بۆ ماڵان دابینبكەن، كە ئەمپێری 3 هەزار دینار دەبێت....