وەزیری دەرەوەی ئەمەریکا دەڵێت سیاسەتی ئەمەریکا ترەمپ و ئەمەریکا پێشوو جیاوازە و ڕێگە نادەن لەژێر ناوی یاسا نێودەوڵەتییەکان هیچ کەسێک هەڕەشە لە ئاساییس ئەمەریکا بکات.


هەواڵ:KNNC


مارکۆ ڕۆبیۆ وەزیری دەرەوەی ئەمەریکا لە لوتەی میونشن ڕایگەیاند: چارەنوسی ئەمەریکا و ئەوروپا پێکەوە بەستراوە و ئەوروپایەکی بەهێزیان دەوێت پێچەوانەی ئەوانەی پێیان وایە شارستانیەتی وڵاتانی ڕۆژئاوا کۆتایی دێت ئەمەریکا پشتیوانی ئەوروپایە و ناهێڵێت ئەو شارستانییەتە کۆتایی بێت، چونکە ئەمەریکا بەرژوەندی لە لاوازبوونی ئەوروپادا نییە و دەبێت وڵاتانی ڕۆژئاوا میراتی ساڵانی پێشوویان بپارێزن.

وتیشی، ئەمەریکای ئێستا ئەوەی ڕابردوو نییە وبە سیاسەتی ڕابردوو بەردەوام نابن، سیاسەتی سەردەمی ترەمپ جیاوازە و زۆر شتی چارەسەرکردوە، نەتەوەیەکگرتوەکان نەیانتوانی چارەسەری پرسەکانی غەززە و ئۆکراین ڤەنزوێلا بکەن و ئەمەریکا هەنگاوی باشی چارەسەری ناوە لە سایەی ترەمپەوە، ئاگربەست لە غەززە کراو و کێشەی ڤەنزوێلاش کۆتایی هات و ڕوسیاش بەڵێنی کۆتاییهێنانی بەشەڕی داوە و ئەگەرچی نازانن مۆسکۆ تا چەند پابەندی قسەکانی دەبێت.

لەبارەی بابەتی ئێرانیشەوە مارکۆ ڕۆبیۆ وتی، تێکشکاندنی بەرنامە ئەتۆمییەکەی ئێران پێویستی بە بەشداریی ئەمەریکا هەبووە و ڕێگەش نادەن هیچ کەس و لایەنێک لەژێر ناوی یاسا نێودەوڵەتییەکان هەڕەشە لە ئاساییشی ئەمەریکا بکات...