وەزارەتی دارایی و ئابوریی حکومەتی هەرێمی کوردستان ڕاگەیەندراوێکی بڵاوکردەوە و دەڵێت هەر پارە گەشت یەکسەر دابەشی دەکەن.

هەواڵ:KNNC

وەزارەتی دارایی و ئابوریی حکومەتی هەرێمی کوردستان لە ڕاگەیەندراوێکدا تەواوبوونی ڕێکارە کارگێڕییەکانی ڕاگەیاند و وتی لەگەڵ هاتنی پارە دەست بە دابەشکردنی دەکەن.

دەقی ڕاگەیەندراوی وەزارەتی دارایی و ئابوریی:

دوای هەوڵ و بەدواداچونەکانی تیمەکانی وەزارەتمان بۆ خەرج کردنی مووچەی مانگی کانوونی دووەمی فەرمانبەران و مووچەخۆرانی هەرێمی کوردستان، لە ئێستادا سەرجەم ڕێکارە ئیداری و ژمێریاریەکان لە فەرمانگەی ژمێریاری وەزارەتی دارایی حکومەتی فیدراڵ تەواو کراون و چاوەڕێی گەیشتنی تەمویلەکەین بۆ ئەوەی لە نزیکترین کاتدا دەست بە دابەشکردنی مووچە بکەین.