شەپۆلی بارانبارین ڕوو لە هەرێمی کوردستان دەکات و بەفر و تەرزەشی لەگەڵ دەبێت.


هەواڵ:KNNC

بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان رایگەیاند، لە کاتەکانی نیوەڕۆی ئەمڕۆ چوارشەممەوە، کاریگەریی شەپۆلێکی بارانبارین ڕوو لە ناوچەکە دەکات و سەرەتا لە سنوری دهۆکەوە دەستپێدەکات، پاشان درێژدەبێتەوە بۆ سەر سەرجەم ناوچە جیاجیاکان، لەگەڵ بارانبارین، ناوچە سنوورییەکان و لوتکە و قەدپاڵی چیا بەرزەکان بەفربارینی دەبێت.

بە وتەی شارەزایانی بوارەکە، شەپۆلەکە لەمڕۆوە کاریگەرییەکانی زیاد دەکات، کە باران و بەفر و تەرزە و هەورەبروسکەیە، بارانبارینەکە بەشێوەی مامناوەند و هەندێک ناوچەی زاخۆ و دهۆک و  سلێمانی و چەمچەماڵ و کەرکوک و گەرمیان و ناوچە شاخاوییە بەرزەکانی سنووری هەولێر دەبێت، ڕێژەی بارانبارینی بەشێوەی لێزمەبارانی کورتخایەن دەبێت، پلەی گەرمییش بە (2-3) پلەی سیلیزی نزمدەبێتەوە، بە وتەی شارەزایان شەپۆلەکە تەنها بارانبارین نابێت بەڵکو 

بەپێی پێشبینییەکان، سبەى پێنجشەممە، کاریگەریی بارانبارینەکە لە ناوچەکەمان بمێنێتەوە بەفربارین لە ناوچە سنوورییەکان و لوتکەی شاخە بەرزەکان لە هەندێک کاتدا بەردەوامیی دەبێت تا دواینیوەڕۆی رۆژی پێنجشەممە.
دەشڵێت، نزمترین پلەی گەرمی بەرزدەبێتەوە و بەرزترینیش، نزمدەبێتەوە بە (1-2) پلەی سیلیزی...