هەسەدە ناسنامەی 10 شەهیدی ڕاگەیاند و دەڵێت لەبەرەکانی پێشەوەی شەڕ بەرگریی پاڵەوانانەیان لە نیشتیمان کرد و ئێمەش بەردەوام دەبین لەسەر ڕێگەکەیان و خوێنیان بەفیڕۆ ناچێت.

هەواڵ:KNNC

هێزەکانی سوریای دیموکرات-هەسەدە ناسنامەی 10 شەهیدی لە ڕاگەیاند، کە پێکدێن لە 6 پیاو و 4 ژن.

هەسەدە وتویەتی، "شەهیدبوونی دە هەڤاڵمان بە ژن و پیاو، بە گەلەکەمان ڕادەگەیەنین، کە بە خوێن لاپەڕەی شکۆمەندیان لە خەباتی گەلەکەمان و هێزەکانماندا نووسی. ئەوان لە بەرەکانی پێشەوەی شەڕ بەرگریی پاڵەوانانەیان لە نیشتیمان کرد و شەهیدبوون و شکۆمەندییان هەڵبژارد.

ئەم شەهیدانە لە جوانترین کوڕ و کچەکانی گەلەکەمان بوون، هەروەها لە پابەندترین و دڵسۆزترینەکان بوون لە خۆبەخشی خۆیان بۆ دۆزی گەلەکەمان، بارگرانی و سەختییەکانی خەڵکیان بە چەکەکانیان هەڵگرتبوو، مانای بەرپرسیارییەتی و قوربانیدانیان لە هەڵسوکەوتی ڕۆژانەیاندا بەرجەستە دەکرد، ئەوان مۆدێلێک بوون لە خەباتگێڕی هۆشیار و سازشنەکەر.

شەهید بوونیان پەیمانێکی نوێیە کە بۆ خەباتمان زیاد کراوە، کە لە ڕێگەیەوە پابەندبوونی هێزەکانمان نوێ دەکەینەوە بۆ ڕێزگرتن لە خوێنی شەهیدان و درێژەدان بەو ڕێگایەی کە بە خۆڕاگری و قوربانیدانی خۆیان خۆشیان کرد، ئێمە دووپاتی دەکەینەوە کە خوێنیان بێهودە ناڕژێت، و قوربانیدانەکانیان وەک چرایەک دەمێنێتەوە بۆ ڕێنماییکردنی نەوەکانی داهاتوو و پاڵنەرێکی بەردەوام بۆ درێژەدان بە خەبات تا ئەو کاتەی ئازادی بە سەبر و کۆڵنەدان و ئیرادە بەدەست دێت.

ناوی هەریەک لەو شەهیدانە بریتییە لە، “داستان قرگول، ڕۆشەن زانا عەفرین، ڤیان جودی، ستێرک ڕۆژهات، - جیاکار ئارمانج، دیار قامیشلۆ، دڵشیر قامیشلۆ، - شیروان شیراوە، ڕۆژهات قامیشلۆ، کارکار قامیشلۆ"