هێرشی چەکدارانی سوریا بۆسەر کورد 350 هەزار کەسی ئاوارەکردوە و هۆشداری لە لەکارکەوتنی چەندین شوێنی گشتیی دێت کە توانای پێشکەشکردنی خزمەتگوزارییان نەماوە.

هەواڵ:KNNC

لە ئەنجامی هێرشەکانی ئەم دواییەی حکومەتی دیمەشق بۆ سەر ناوچەکانی ڕەققە، تەبقە و دێرەزۆر، نزیکەی 350 هەزار کەس ئاوارەبوون بۆ ناوچەکانی حەسەکە، قامیشلۆ و کۆبانی.

بەهۆی بەردەوامی هێرش و پێشێلکارییەکانی حکومەتی سوریا، ناوچەکە بارودۆخی مرۆیی ناخۆشی بەخۆیەوە بینیوە.

ئەو هاوکارییانەشی کە بەم دواییە لە ڕێگەی نەتەوە یەکگرتووەکانەوە چوونەتە ناو شاری کۆبانی سنوردارە و خواستی ناوخۆی ناوچەکە بۆ پێداویستییەکان پڕناکاتەوە.

سەرچاوەکانی بەڕێوەبەریی خۆسەریش دەڵێن، ئەگەر دۆخەکە وەک خۆی بەردەوام بێت، ڕەنگە زۆرێک لە دامەزراوە سەرەکییەکانی وەک نانەواخانە و نەخۆشخانەکان ناچار بکرێن کارەکانیان ڕابگرن چونکە توانای پێشکەشکردنی ئەو هەموو خزمەتگوزارییە لەوان بەدەرە...