لیندسی گراهام دەڵێت هەوڵی چڕ هەیە بۆ ڕاگرتنی هێرشەکانی دژ بە کورد و تەنها چاوەڕێبن و ببینن بزانن چۆن ئەو قەرزەی کورد دەدەینەوە کە جیهانیان لە داعش پاراست.

هەواڵ:KNNC

لیندسی گراهام سیناتۆری کۆمارییەکان و دۆستی کورد و کەسایەتی نزیک لە دۆناڵد ترەمپ ڕایگەیاند: هەموو شت تەواو گۆڕاوە وئاماژه‌ بە وەرچەرخانێکی گەورە دەکات لەسیاسەتی ئەمریکا بەرامبەر بەکورد.

سیناتۆرە ئەمەریکییەکە بەدەستەواژەی (تەنها چاوەڕوانبن (You just wait- ئاماژەی بەوەکردوە، کۆنگرێس ئامادەکاریی ده‌كات بۆ بەکارهێنانی کارتی بەهێز بۆ پاراستنی کورد، ئەمە تەنها سیاسەت نییە، بەڵکو وەفایەکە بۆ ئەو خوێن و قوربانییەی کورد لەشەڕی دژی داعش‌ و لەپێناو جیهاندا ڕشتی و دای.

لیندسی گراهام وتویەتی، کاتێک ئەمەریکا و جیهان پێوسیتی بە کورد و کورد لەگەڵیانبوو، ئێستاش کاتی دانەوەی قەرزی کوردە و تەنها ببینن چی ڕوودەدات.

به‌گوێره‌ى قسەکانی سیناتۆری کۆمارییەکان، لە ئێستادا شەپۆلێکی بەهێزی پشتیوانیی لەناو ئەنجومەنی پیران دروستبوە، کە ڕێگەنادات کورد پەراوێز بخرێت، و بابەتەکە تەنها پێچەوانەکردنەوەی هاوکێشە نییە بەڵکو کارەکە زۆر لەوە قورستر و کاریگەرترە کە بیری لێدەکەنەوە...