کەجەکە دەڵێت تورکیا دەیەوێت تەنها بە سوکایەتییکردن بە ئاڵاکەی ڕەوایەتی بدات بە دەستدرێژییەکانی بۆسەر ڕۆژئاوای کوردستان و کورد بە ئامانجدەگرێت.

هەواڵ:KNNC

کۆما جڤاکێن کوردستان-کەجەکە لەبارەی دۆخی ئێستای کورد و ڕۆژئاوای کوردستان پەیامێکی بڵاوکردەوە و ڕایگەیاند: هەندێک مامەڵە لە چوارچێوەی ئەو شەڕی ئێستا دژی کورد هەیە، تەنها بۆ لێدانە لە کورد و ئامانجیانە بەو جۆرە ڕەوایەتی بە کارە ناڕەواکانی تورکیا بدەن لە سوریا.

کەجەکە وتویەتی، داگرتن و سوتاندنی ئاڵای تورکیا کە لە چوارچێوەی ناڕەزایەتییەکاندا ڕوویداوە، یەکێکە لەو بیانووەی تورکیا دەیەوێت بەکاری بهێنێت و بڵێت کورد سەرکێشی دەکات، بەو جۆرەش بەردەوام بێت لە دەستدرێژییەکانی لە ڕۆژئاوا.

کاجەکە ئاماژەی بەوەداوە، لە بەرامبەر سوکایەتییەکان بە ئاڵای تورکیا هەریەک لە ئاکەپە و مەهەپە بە ئاشکرا دەڵێن ئێمە لێپرسینەوە دەکەین، ئەوەش ڕوونە دەیانەوێت هەم ئاشتیی و چارەسەریی بشێوێنن و کورد وەک تاوانبار نیشان بدەن، هەمیش بەو جۆرە ڕەوایەتی تەواوەتی بدەنە دەستدرێژی و داگیرکارییەکانیان بەرامبەر کورد و کوردستان...