تۆم باراک لەگەڵ هەریەک لە مەزڵوم عەبدی و ئیلهام ئەحمەد کۆبوویەوە و دیدارەکە بە ئەرێنیی ناودەبات.


هەواڵ:KNNC

تۆم باراک نێردەی تایبەتی دۆناڵد ترەمپ بۆ سوریا ڕایگەیاند: ئەمڕۆ بە شانازییەوە لەگەڵ ژەنەراڵ مەزڵوم عەبدی و ئیلهام ئەحمەد کۆبوونەتەوە و دیدارەکەی بە ئەرێنیی ناوبردوە.

وتوشییەتی، ئەمریکا پاڵپشتی و پابەندبوونی بەهێزی خۆی بۆ پێشخستنی پڕۆسەی یەکگرتن دووپاتکردوەتەوە بەپێی ڕێککەوتنەکەی 18ئەم مانگەی نێوان هێزەکانی سوریای دیموکرات و حکومەتی سوریادا.

نێردەکەی ترەمپ ئاماژەی بەوەشکرد، هەموو لایەنەکان کۆک بوون لەسەر ئەوەی هەنگاوی یەکەمی جەوهەری پابەندبوونی تەواوەتییە بە ئاگربەستی ئێستا، هاوکات پێکەوە کاردەکەن بۆ دەستنیشانکردن و جێبەجێکردنی ڕێوشوێنی متمانەپێکراو و باوەڕپێکراو لەلایەن هەموو لایەنەکانەوە بۆ پەرەپێدانی متمانە و سەقامگیریی و ئارامیی بەردەوام و هەمیشەیی بۆ ناوچەکە...