سەرما بەردەوام دەبێت و شەپۆلی چڕی بەفربارین ڕوو لە ناوچەکە دەکات و لە ناوەندی شارەکانی هەرێم بەفردەبارێت.

هەواڵ:KNNC

بەپێی بڵاوکراوەکانی کەشناسیی هەرێمی کوردستان، ئاسمان پەڵەهەور و نیمچەهەوردەبێت و لە کاتتژمێرەکانی ئێوارە و شەوەوە دەگۆڕێت بۆ هەوری تەواو، پلەکانی گەرماش بە نزمیی دەمێننەوە و لەنێوان 3 پلەی ژێرسفر بۆ 10 پلەی سیلیزییدا دەبن.

بەپێی پێشبینییەکانی کەشوهەوا لە درەنگانی ئەمشەوەوە شەپۆلێکی چڕی بەفربارین ڕوو لە هەرێمی کوردستان و لەگەڵ شەپۆلەکەدا پلەکانی گەرما نزیکەی 5 پلەی سیلیزیی دادەبەزن، کاریگەریی شەپۆلەکەش تەنها لەسەر هەرێمی کوردستان نابێت و تەنانەت لە بەشێک لە دەشتایی و بیابانەکانی عێراقیش بەفر دەبارێت.

لای خۆشییەوە پشتیوان پێنجوێنی شارەزای بواری کەشناسی بە کەی ئێن ئێنی ڕاگەیاند: شەپۆلەکەی ئەمجارە ڕێژەیەکی زۆر بەفر لەخۆدەگرێت بۆ تەواوی ناوچە جیاوازەکان بە بڕی جیاواز، لەگەڵ ئەوەشدا چەق و چڕی دابارین کاتژمێر 8ی بەرەبەیانی سبەینێ بۆ کاتژمێر 3ی عەسرە ، سبەینێ لە ناو سلێمانی و پێنجوێن 7 بۆ 25 سم بەفر دەبارێت و بەرزترین پلەی گەرماش 2 پلەی ژێرسفر دەبێت...