محەمەد کەلاری، شارەزای بواری کەشناسی، هۆشداریی لە گۆڕانکارییەکانی کەشوهەوا دەدات و ڕایدەگەیەنێت کە لە ئەمشەوەوە شەپۆڵێکی بەفر و باران ڕو لە ناوچە جیاجیاکانی هەرێمی کوردستان دەکات

هەواڵ: KNN

بەپێی پێشبینییەکانی ئەو کەشناسە، دوای کۆتایی هاتنی شەپۆڵە بەفر و بارانەکە، شەپۆڵێکی سەرمای بەهێز ناوچەکە دەگرێتەوە

 محەمەد کەلاری ئاماژەی بەوە کردوە کە پلەکانی گەرما بە ڕێژەیەکی بەرچاو دادەبەزن و لە سەرجەم ناوچەکان دەچنە ژێر سفری سلیزییەوە، ئەمەش ئەگەری دروستبونی بەستن و شەختە ی لێدەکرێت

لە چوارچێوەی هۆشدارییەکانیدا، ئەو کەشناسە داوا لە هاوڵاتیان دەکات لە کۆتایی ئەم هەفتەیە و هەفتەی داهاتودا بە هیچ جۆرێک سەردانی ناوچە شاخاوییەکان نەکەن، چونکە بەهۆی نزمبونەوەی پلەکانی گەرماوە مەترسیی شەختە و بەستنێکی زۆر لەو ناوچانەدا هەیە و هاتوچۆ سەخت دەبێت

سەبارەت بە پلەکانی گەرما لە ناوەندە شارەکان، کەلاری پێشبینی دەکات کە لە ڕۆژانی پێنجشەممە و هەینی داهاتوودا، پلەی گەرما لە شاری هەولێر بۆ 3 پلە لەژێر سفری سلیزی دابەزێت.