یسرائیل كاتز- وه‌زیری به‌رگری ئیسرائیل رایگه‌یاند: دامه‌زراوه‌و ده‌زگاكانی ده‌وڵه‌تی ئیسرائیل له‌نزیكه‌وه‌ چاودێری جموجۆڵی موشه‌كی ئێران ده‌كات .

هەواڵ:KNNC 

كاتز جه‌ختی له‌وه‌كرده‌وه‌ كه‌ رێگه‌ به‌هیچ جۆره‌ هه‌ڕه‌شه‌یه‌ك ناده‌ن و ئه‌وه‌ش كه‌ به‌ر له‌حه‌وتی ئۆكتۆبه‌ری 2023 روویدا ڕێگه‌ به‌دووباره‌ بوونه‌وه‌ی ناده‌ن.

دوپاتیشیكرده‌وه‌. سوپاكه‌یان له‌چیای هه‌رمون كه‌ ده‌كه‌وێت ناوچه‌ی سێگۆشه‌ی نێوان لوبنان و ئیسرائیل و سوریا پاشه‌كشه‌ ناكه‌ن.

ئه‌و لێدوانه‌وه‌ی وه‌زیری به‌رگری ئیسرائیل له‌كاتێكدایه‌ ئێران زنجیره‌یه‌ك تاقیكردنه‌وه‌ی له‌سه‌ر هه‌ڵدانی موشه‌كی بالیستی كردوه‌و له‌هه‌مان كاتیشدا په‌یمانگه‌ی نێوده‌وڵه‌تی بۆ توێژینه‌وه‌ی سیاسی له‌ئیتاڵیا دوپاتیكرده‌وه‌ ، كه‌ ئێران ده‌ستیكردوه‌ به‌ كاركردن له‌سه‌ر

به‌رهه‌مهێنانی كڵاوه‌ی ئه‌تۆمی به‌ڵام له‌گه‌ڵ ئه‌وه‌شدا هێشتا له‌لایه‌ن عه‌لی خانه‌ته‌ئییه‌وه‌ مۆڵه‌ت به‌دامه‌زراوه‌ ئه‌تۆمییه‌كانی وڵاته‌كه‌ی نه‌دراوه‌ ئاستی پیتاندنی یۆرانیۆم بۆ سه‌رو له‌ 60% به‌رز بكه‌نه‌وه‌.

به‌پێی هه‌مان سه‌رچاوه‌ ئێران خاوه‌نی پێگه‌یه‌كی ئه‌تۆمیی نهێنییه‌ كه‌ تاوه‌كو ئیستا ئاژانسی نێوده‌وڵه‌تی وزه‌ی ئه‌تۆمی لێئاگادار نه‌كراوه‌ته‌وه‌.