ئەمڕۆ سێشەممە سەرچاوەیەک لە ئەنجومەنی وەزیرانی عێراق ئاشکرای کرد، ئەنجومەنی وەزیران بە زۆرینەی دەنگ بڕیاریدا به‌ درێژکردنەوەی ڕێککەوتنی نەوت لەگەڵ حکومەتی هەرێمی کوردستان.

هەواڵ:KNNC 

ئەو سەرچاوەیە بە (بەغداد تودەی)ی ڕاگەیاند "ئەو 120 ملیار دینارەی لە داهاتی نانەوت هەرێم مانگانه‌ بۆ به‌غداد ره‌وانه‌ ده‌كرێت وەک خۆی دەمێنێتەوە و مانگانە دەگوازرێتەوە بۆ وەزارەتی دارایی عێراق ئه‌ویش  لە بەرامبەر پێدانی مووچەی فەرمانبەرانی هەرێم".

ئەو سەرچاوەیە ئاماژەی بەوەشکرد، "تا ئێستا هیچ بڕیارێک سەبارەت بە مووچەی هه‌ردومانگی 11 و 12 نەدراوە".

به‌پێی هه‌مان سه‌رچاوه‌ "هەناردەکردنی نەوتی هەرێم لەڕێگەی کۆمپانیای بەبازاڕکردنی نەوتی عێراقی (سۆمۆ) بەردەوامە، لەکاتێکدا پارە نەدراوەکانی هه‌ردوو مانگی 11 و12 هێشتا یه‌كلا نه‌بونه‌ته‌وه‌ سەرەڕای ناردنی لیستەکان بۆ بەغدا".