باران دەبارێت و شەپۆلی بەهێزی سەرمای توند ڕوو لە هەرێمی کوردستان دەکات، بەفربارین ناوەندی شارەکانیش دەگرێتەوە.

هەواڵ:KNNC

کەشناسیی هەرێمی کوردستان پێشبینییەکانی کەشوهەوای بڵاوکردەوە و لە ئێوارەی ئەمڕۆوە تا سبەی نیوەڕۆ ئاسمان نیمچەهەور و هەوری تەواو بەتایبەت لە ناوچەکانی ڕۆژهەڵات و ناوەڕاستی هەرێم لەگەڵ بارینی کەمێک نمە باران لەو ناوچانە.

لەبارەی پلەکانی گەرماش ئاماژەبەوەدراوە، کە پلەکانی گەرما 3 پلە دادەبەزن، لە کاتێکدا ئێستا بەرزترین پلەکانی گەرما لەنێوان 17 بۆ 11 پلەی سیلیزییدایە.

لای خۆشییەوە کەشناس پشتیوان پێنجوێنی بە کەی ئێن ئێنی ڕاگەیاند: شەپۆلە دووڕۆژییەکەی بارانبارین کاریگەرییەکەی لەسەر سنوری سلێمانی و هەڵەبجە و گەرمیان و کەرکوک و ڕاپەڕین زیاتر دەبێت و باران دەبارێت،

لەبارەی سەریساڵ و سەرەتای مانگی داهاتووش وتی، لە ڕۆژانی سەرەتای مانگی یەک، یەکەم شەپۆلی سەرمای بەهێز ڕوودەکاتە ناوچەکانمان و شەپۆلی بەفروباران ی سەرتاسەریی ناوچەکەمان دەگرێتەوە، شەپۆلەکە بڕێکی باش لە بارانی پێیە و جیا لە بارینی بەفر لە ناوچە شاخاویی و سنورییەکان، لە ناوەندی سلێمانی و پێنجوێن و چەند ناوچەکەی دیکەی ئاوەدانیی بەفردەبارێت...