بنیامین نەتانیاهۆ بە تورکیا دەڵێت خەیاڵتان خاوە کە بیر لە زیندووکردنەوەی ئیمپڕاتۆرییەت دەکەنەوە و لە منی وەرگرن کە شتی وا هەرگیز ڕوونادات.

هەواڵ:KNNC


بنیامین ناتانیاهۆ، سەرۆکوەزیرانی ئیسرائیل لە میانی کۆنگرە هاوبەشەکەی دوێنێی دوای ڕاگەیاندی ڕێککەوتنی ئیسرائیل و قوبرس و یۆنان، بەبێ ناوهێنان هێرشی کردە سەر تورکیا و ڕایگەیاند: کەسانێک هەن خەونی زیندوکردنەوەی ئیمپڕاتۆرییەتیان هەیە، من بەوانە دەڵێم جارێكی تر کۆنترۆڵی خاکەکانمان بکەنەوە، بە هیچ شێوەیەکیش بیری لێمەکەنەوە، چونکە شتی وا هەرگیز ڕوونادات و خەیاڵتان خاوە.

ئاماژەی بەوەشكرد: "من بنیامین نەتانیاهۆی ئیسرائیلیی و میتسۆتاکیسی یۆنانیی و نيكؤس خریستۆدۆلیدیسی قوبرسیین لێرەدا، شانازیی بە مێژووی خۆمانەوە دەکەین لە زێدی باوباپیرانمانین، بە توانا و خواستی بەرز و بەهێزەوە لە داهاتوو دەڕوانین، هەریەکێک لە ئێمە لە وڵاتەکانمان لە ڕابردوودا لەلایەن ئیمپراتۆریەتە یەک لە دوای یەکەكان داگیرکرابوون، بەڵام سەربەخۆیی خۆمان لە سەردەمی نوێدا بە ئازایەتی و قوربانییدان بەدەست هێنایەوە."

ناتانیاهۆ ئاماژەی بەوەشكرد: بڕیارمانداوە بەرگری لە خۆمان بکەین و توانای ئەوەمان هەیە، هاوکاریشمان ئەو توانایە بەهێز دەکات و وەک سێ وڵاتی دیموکراسی ڕاستەقینە لە ڕۆژهەڵاتی دەریای ناوەڕاست، پێکەوە کاردەکەین بۆ بەرەوپێشبردنی ئاسایش و خۆشگوزەرانی و ئازادیی...