ده‌زگای هه‌واڵگری عێراق ره‌تیكرده‌وه‌ هیچ په‌یامێك به‌به‌غدا گه‌یشتبێت له‌باری نزیكبونه‌وه‌ی واده‌ی په‌لاماردانی ئه‌م وڵاته‌.

هەواڵ:KNNC

ئاژانسی هه‌واڵی عیراقی له‌زاری به‌رپرسێكی ده‌زگای هه‌واڵگری ئه‌م وڵاته‌  ره‌تیكرده‌وه‌ ، هیچ په‌یامێكیان له‌لایه‌ن ده‌وڵه‌تێكی عه‌ره‌بی یاخود ده‌زگایه‌كی هه‌واڵگری خۆرئاواوه‌ به‌ده‌ستگه‌یشتبێت له‌باره‌ی واده‌ی نزیكبونه‌وه‌ی په‌لاماردانی سه‌ربازیی و له‌هه‌مان كاتیشدا داوا له‌میدیاكان كراوه‌ كه‌ به‌ئاگایی و وردبنیانه‌ مامه‌ڵه‌ له‌گه‌ڵ ئه‌م جۆره‌ پرسانه‌دا بكه‌ن كه‌ زیان به‌ ئاسایشی نه‌ته‌وه‌یی عیراق ده‌گه‌یه‌نێت.

لایخۆشیه‌وه‌ سه‌باح نوعمان- وته‌بێژی سه‌ربازیی به‌ناوی سه‌رۆكوه‌زیرانی عیراق هۆشداریدا له‌ئه‌گه‌ری هه‌رهێرشێكی سه‌ربازیی و دوپاتیشیكرده‌وه‌ ،كه‌ به‌غدا هیچ په‌یامێكی ئاگاداركردنه‌وه‌ی پێنه‌گه‌یشتوه‌.

هه‌ر له‌و چوارچێوه‌یه‌دا حه‌مید موسه‌وی ئه‌ندامی هاوپه‌یمانیی فه‌تح به‌عه‌ره‌بی جدیدی رایگه‌یاند: ده‌نگۆی په‌لاماردانی عیراق له‌لایه‌ن ئیسرائیل و ئه‌مریكاوه‌ ته‌نیا پێشبینیه‌كی نادروسته‌و چوارچێوه‌ی هه‌ماهه‌نگیی شیعه‌كانیش كۆكن له‌سه‌ر ئه‌وه‌ی كه‌ گفتوگۆو هه‌وڵی سیاسی له‌گه‌ڵ واشنتۆن و ولاتانی تر به‌رده‌وام و له‌هه‌مان كاتیشدا سه‌روه‌ریی عیراق پارێزراو بێت