جو ویڵسۆن كۆنگرێسمانی كۆمارییه‌كانی ئه‌مریكا له‌ئه‌كاونتی خۆی له‌تۆڕی كۆمه‌ڵایه‌تی ئێكس ره‌خنه‌ی توندی له‌فایه‌ق زێدان- سه‌رۆكی ئه‌نجومه‌نی باڵای دادوه‌ری عیراق گرتوه‌ له‌پای سوپاسكردنی گروپه‌چه‌كداره‌كانی ئه‌م وڵاته‌ كه‌به‌نیازن چه‌ك دابنێن.

هەواڵ:KNNC

به‌وته‌ی ویڵسۆن ئه‌و ره‌فتاره‌ی فایه‌ق زێدان له‌ده‌ره‌وه‌ی ده‌سه‌ڵاتی ده‌ستورییه‌و ره‌نگدانه‌وه‌ی دامه‌زراوه‌كانی ده‌وڵه‌ت و ده‌سه‌ڵاتێكی سه‌ربه‌خۆی دادوه‌ری نییه‌. به‌ڵكو ره‌فتارو سوپاسكردنه‌كه‌ی ته‌واو له‌ده‌ره‌وه‌ی ده‌ستوره‌.

وه‌ك ئه‌و كۆنگرێسمانه‌ ده‌ڵێت،ئه‌و سوپاسگوزارییه‌ی زێدان په‌یوه‌ست نییه‌ به‌سه‌روه‌ری ده‌ستور به‌ڵكو تێكه‌ڵاوبونی رۆڵه‌كان و هه‌واڵی گه‌یاندنی په‌یامێكی سیاسییه‌ له‌ژێر ناوی ده‌سه‌ڵاتی دادوه‌ری .

ئاماژه‌ی به‌وه‌شكردوه‌ كه‌ ره‌فتاره‌كانی سه‌رۆكی ئه‌نجومه‌نی باڵای دادوه‌ری هه‌ڕه‌شه‌یه‌كی گه‌وره‌یه‌ بۆ سه‌ر دادوه‌ری و ده‌وڵه‌تی عیراق.