ئەمەریکا 70 پێگەی داعشی لە سوریا بە ئامانجگرت و فەرماندەیەکی باڵای سەربازیی ئەمەریکاش دەڵێت هەموو ئەوانە لەناودەبەن کە بیەوێت ئەمەریکا و هاوپەیمانەکانی بەئامانجبگرێت.

هەواڵ:KNNC

لەدوای هێرشەکانی شەوی ڕابردووی ئەمەریکا بۆسەر پێگەکانی داعش لە سوریا، براد کوپەر فەرماندەی ناوەندیی ئەمەریکا-سێنتکۆم بەیاننامەیەکی لەبارەی ڕووداوەکە بڵاوکردەوە و ڕایگەیاند: بە بەکارهێنانی 100 جۆری جیاوازی تەقەمەنیی و فڕۆکەی جەنگیی، 70 پێگە و ناوەند و بارەگای داعشیان بە ئامانجگرتوە لە سوریادا و تەواوی ژێرخانی گروپەکەیان بە ئامانجگرتوە.

وتیشی، ئۆپەراسیۆنەکەی ئەمەریکا گرنگە بۆ ڕێگریکردن لە پلاندانانی داعش بۆ هێرشە تیرۆریستیەکان دژی ئەمریکا و بەردەوامدەبن لە ڕاوەدوونانی ئەو تیرۆریستانە کە هەوڵی زیانگەیاندن بە ئەمریکییەکان و هاوبەشەکانیان لە ناوچەکە دەدەن.

ئەوەش دوای هێرشەکەی 13ی ئەم مانگە دێت بۆسەر هێزەکانی ئەمەریکا لە تەدمور، کە سێ سەربازیی ئەمەریکیی کوژران و سێ سەربازیی دیکەش برینداربوون...