هه‌ریه‌ك له‌رۆژنامه‌ی (Jerusalem post) ئیسرائیلی و(TA NEA)یۆنانی باس له‌دامه‌زراندنی به‌ره‌یه‌كی هاوبه‌ش له‌نێوان قوبرس و وڵاته‌كانیان ده‌كه‌ن دژ به‌ فراوانخوازی و هه‌ژموونی توركیا له‌رۆژهه‌ڵاتی ده‌ریای ناوه‌راست.

به‌پێی رۆژنامه‌ ئیسرائیلییه‌كه‌ ده‌ستپێشخه‌ری دروستكردنی ئه‌وبه‌ره‌یه‌ بەشێکە لە هەوڵێکی فراوانتر بۆ ڕێگریکردن لە چالاکییە سەربازی و ستراتیژییەکانی تورکیا لە ڕۆژهەڵاتی دەریای ناوەڕاست.

به‌پێی هه‌مان سه‌رچاوه‌ بڕیارە هەفتەی داهاتوو کیریاکۆس میتسۆتاکیس، سەرۆکوەزیرانی یۆنان و نیکۆس کریستۆدۆلیدس، سەرۆکی قوبرس، بۆ کۆبوونەوەی لوتکە لەگەڵ بنیامین ناتانیاهۆ، سەرۆکوەزیرانی یۆنان، بگەنە ئیسرائیل و  لە چەند هەفتەی ڕابردووشدا کۆبوونەوەی زۆر لەسەر ئەو پرسه‌ کراوە.

هاوكات رۆژنامەی "TA NEA"ی یۆنانی لە راپۆرتێکیدا ، بڵاویكردوه‌ته‌وه‌ ئەسینا خوازیاره‌ هێزێکی هاوبەشی سێقۆڵی لەگەڵ ئیسرائیل و قوبرس پێکبهێنێت بۆ ئەوەی رێگری لە فراوانبوونی هەژموونی سەربازیی تورکیا لە دەریای نێوەڕاستدا بکات. 

رۆژنامەكه‌ ئاماژه‌ی به‌وه‌كردوه‌ ، بەهۆی پەیوەندییە ستراتیجییەکانی نێوان یۆنان و ئیسرائیل، ئەفسەرانی باڵا و شرۆڤەکاران کار لەسەر داڕشتنی پلانێک بۆ بەهێزکردنی پێکەوەکارکردنی سەربازی دەکەن.