وەزیری دەرەوەی ئێران دەڵێت بەردەوامین لە پیتاندنی یۆرانیۆم و لە ڕاوێژی بەردەوامدان لەگەڵ ڕوسیا بۆ دوبارەنەبوونەوەی هێرشەکانی ئیسرائیل.

هەواڵ:KNNC

پاش سەردانیکردنی عەباس عەراقچی وەزیری دەرەوەی ئێران بۆ ڕوسیا و کۆبوونەوەی لەگەڵ سێرگی لاڤرۆڤی هاوتای لە مۆسکۆ، کۆنگرەیەکی ڕۆژنامەوانییان ئەنجامدا و تەوەرەکانی گفتوگۆکانیان خستەڕوو کە پەیوەست بوو بە بابەتە پەیوەندیدارەکانی نێوانیان.

عەباس عەراقچی وەزیری دەرەوەی ئێران ڕایگەیاند: ئێران توانای ئەتۆمیی خۆی لەدەستنەداوە و سەرباری هێرشەکانی ئیسرائیل ئەوان بەردەوامن لە پیتاندنی یۆرانیۆم.

وتیشی، ئەمەریکا بە گوشارەکانی زیانی زۆری بە ئێران گەیاند بەڵام نەیتوانی توانای ئەتۆمیی ئێران لەناوبەرێت و ئێران مافی خۆی بۆ بەردوامیی لە پرسی ئەتۆمدا بەکاردەهێنێت.

عەباس عەراقچی سوپاسی پاڵپشتی بەردەوامی ڕوسیای کرد بۆ تاران و وتی، لەگەڵ مۆسکۆ لە هەوڵ و ڕاوێژی بەردەوامدان بۆ دووبارەنەبووەنەوەی هێرشەکان بۆسەر ئێران.

لەبارەی دانوستانەکانیشەوە وەزیری دەرەوەی ئێران ڕایگەیاند: ئەوان مێزی دانوستان و گفتوگۆ چۆڵ ناکەن، بەو مەرجەی ئەمەریکا هاوسەنگی بپارێزێت و دانوستانەکان بۆ واشنتن و تاران لەسەر بنەمای یەکسانییبن نەک سەپاندن...