وه‌زاره‌تی ناوخۆی عه‌ره‌بستانی سعودیه‌ له‌راگه‌یه‌نراوێكیدا بڵاویكردوه‌ته‌وه‌ ، به‌ته‌نیا له‌ماوه‌ی ئه‌مساڵدا 340 كه‌س له‌وڵاته‌كه‌یان له‌سێداره‌دراون .

هەواڵ:KNNC

به‌پێی راگه‌یه‌نراوه‌كه‌ 232 كه‌س له‌وانه‌ی سزاكه‌یان به‌سه‌ردا جێبه‌جێكراوه‌ دۆسێكانیان په‌یوه‌ست بووه‌ به‌مادده‌ هۆشبه‌ره‌كان.

له‌دوای هه‌ریه‌ك له‌چین و ئێران ، سعودیه‌ به‌پله‌ی سییه‌م دێت له‌جێبه‌جێكردنی سزای له‌سێداره‌دان و له‌ساڵی پاریشدا له‌سعودیه‌ 338 كه‌س له‌سێداره‌دراون و وه‌ك ئاژانسی فرانس پرێسیش بڵاویكردوه‌ته‌وه‌، زیاد بوونی ژماره‌ی له‌سێداره‌دراون له‌سعودیه‌ ده‌گه‌ڕێته‌وه‌ بۆ ئه‌و هه‌ڵمه‌ته‌ی كه‌ له‌دژی مادده‌ هۆشبه‌ره‌كان به‌ڕێوه‌ده‌چێت.

هارییت ماكۆلۆچ  به‌ڕێوه‌به‌ری به‌شی حاڵه‌ته‌كان له‌رێكخراوی (ریپریڤ)  به‌فرانس پرێسی راگه‌یاندوه‌: ده‌سه‌ڵاتدارانی سعودیه‌ له‌ ته‌موزی 2024ه‌وه‌ به‌شیوه‌یه‌كی نیمچه‌ رۆژانه‌ ئه‌و كه‌سانه‌ له‌سێداره‌ ده‌ده‌ن كه‌ تۆمه‌تی به‌كارهێنان و بارزگانیی مادده‌ی هۆشبه‌ریان ده‌درێته‌ پاڵ و زۆربه‌شیان كه‌سانی بیانین و ئه‌وه‌ش پێچه‌وانه‌ی یاسا نێو ده‌وڵه‌تییه‌كانه‌.