وشکەسەرما بەردەوام دەبێت و ئەم چەند ڕۆژە هیچ بارانبارینێک پێشبینی نەکراوە.

هەواڵ:KNNC


چەند ڕۆژێکە شەپۆلێکی سەرمای توند ناوچە جیاوازەکانی هەرێمی کوردستانی گرتوەتەوە و لەوبارەیەوە کەشناس شاڵاو هیدایەت بە کەی ئێن ئێنی ئەم کەشە وشکەسەرمایە تا کۆتایی مانگ بەردەوام دەبێت.

شاڵاو هیدایەت ئاماژەی بەوەدا ڕەشەبای بەهێز ڕوو لە ناوچەکە دەکات و تا کۆتایی هەفتەش خێرایی با بە چالاکیی دەمێنێتەوە، کە کاریگەرییەکەی لەسەر ناوچەکانی لەناوچەکانی سلێمانی و ڕاپەڕین و کۆیە و به شێکی سنوری هەولێر و  گەرمیان، زیاترە بەراورد بە ناوچەکانی دیکە.

وتیشی، ئەم وشکەسەرمایەی ئێستا لە ناوچەکەمان بوونی هەیە، تا کۆتاییەکانی ئەم مانگە بەردەوام دەبێت و لە هەندێک شوێن پلەکانی گەرما بۆ سفر و خوار سفر دادەبەزێت.

لەبارەی بارانبارینەوە شاڵاو هیدایەت ڕایگەیاند کە لەکۆتاییەکانی ئەم مانگە و سەرەتای مانگی داهاتوو کەشێکی تەڕو باراناویی و زۆرباش دەگەڕێتەوە سەرتاسەری ناوچەکانی هەرێمی کوردستان...