به‌پێی ئامارێكی فه‌رمیی دادگاكانی عێراق له‌ماوه‌ی مانگی تشرینی دووه‌می رابردودا (جگه‌ له‌هه‌رێمی كوردستان) زیاتر له‌ 5800 حاڵه‌تی جیابونه‌وه‌ تۆمار كراون.

هەواڵ:KNNC

وه‌ك له‌ماره‌كه‌دا هاتوه‌ له‌ماوه‌ی ئه‌و مانگه‌دا 26129 حاڵه‌تی هاوسه‌رگیری و 5805 حاڵه‌تی جیابوونه‌وه‌ تۆمار كراون .

به‌پێی هه‌مان سه‌رچاوه‌ له‌به‌غدادی پایته‌خت زۆرترین حاڵه‌ته‌كانی هاوسه‌رگیری و جیابوونه‌وه‌ تۆمار كراون .

به‌پێی ئاماره‌كانی سەرۆکایەتی دادگای تێهەڵچوونەوەی بەغدا/ره‌سەفە (3961) گرێبەستی هاوسەرگیری و (1239) حاڵەتی جیابوونەوەی تۆمارکردووە، دادگای تێهەڵچوونەوەی بەغدا/کەرخی (3132) گرێبەستی هاوسەرگیری و (920) حاڵەتی تەڵاقی تۆمارکردووە.

هه‌رچی  پارێزگای  نەینەواشه‌ له‌دوای به‌غداوه‌ هاتوه‌ بۆ ژماره‌ی  حاڵه‌ته‌كانی جیابونه‌وه‌و هاوسه‌رگیری به‌جۆریك (2819) گرێبەستی هاوسەرگیری و 389 حاڵەتی جیابوونه‌وه‌ تۆماركراون و، پاشان پارێزگاری بەسرە پلەی سێیەم بە تۆمارکردنی 2324 گرێبەستی هاوسەرگیری و 637 حاڵەتی جیابونه‌وه‌ هاتوه‌.