وتەبێژی وەزارەتی دەرەوەی ئێران لەبارەی هێرشەکەی سەر کۆرمۆرەوە قسەیکرد با ئامانجگرتنی کەرتی وزەی هەرێمی کوردستان سەرکۆنەدەکات و دەڵێت ئیسرائیل هۆکاری پشێوییەکانە.

هەواڵ:KNNC

ئیسماعیل بەقائی وتەبێژی وەزارەتی دەرەوەی ئێران لەبارەی هێرشەکەی سەرکۆرمەوە ڕایگەیاند: وڵاتەکەی سەرۆکۆنەی هەر هێرشێک دەکات کە بکرێتە سەر کۆرمۆر و کەرتی وزەی هەرێمی کوردستان.

بەقائی جەختی لە ئاساییشی سنورەکانی لەگەڵ عێراق و هەرێمی کوردستان کردەوە و ڕایگەیاند:  هاوکاریی و هەماهەنگییان لەگەڵ لایەنە عێراقییەکانە بۆ دەستەبەرکردنی ئاساییش لە سنوورەکاندا بەردەوامە و هەموو هەوڵێک دەدەن بۆ دەستەبەری سەقامگیریی.

وتەبێژی دەرەوەی ئێران لە میانی قسەکانیدا باسی لە ئیسرائیل کرد و ڕایگەیاند: ئیسرائیل و هەندێک لایەنی دیکە هەن، کە هیچ درێغی و کەمتەرخەمیی ناکەن لە بەکارهێنانی بیانووهێنانەوە و هۆکارەکانی تێکدانی ئاساییش و ناسەقامگیریی و نانەوەی پشێوی و نائارامیی لە ناوچەکەدا...