بەڕێوەبەرایەتی حەج و عومڕە ئاگادارییەکی بڵاوکردەوە و دەڵێت ئەگەر ئامادەنەبن مافی چوونە حەجتان نامێنێت.

هەوآڵ:KNNC


بەرێوەبەرایەتی گشتیی حەج و عومڕەی کوردستان لەڕێگەی ڕاگەیەندراوێکەوە،  ئاگاداری سەرجەم خاوەن کۆمپانیاکانی حەج و عومڕە دەکاتەوە ئەوانەی لە دەروازەی ئەلیکترۆنی حەج داواکارییان پێشکەش کردووە بەمەبەستی هاوەڵیکردنی حاجیانی کوردستان لەوەرزی حەجی 2026 ئەوا لە ڕۆژانی سێشەممە و چوارشەممە ڕێکەوتی واتا 2 و 3ی ئام مانگە کە دەکاتە بەیانی و دووبەیانی، لە مزگەوتی سەواف تاقیکردنەوە و هەڵسەنگاندنی کۆمپانیاکان ئەنجام دەدرێت.

بەرێوەبەرایەتی گشتی حەج و عومڕە ئەوەشی خستوەتەڕوو کە ئەم هەفتەتەیە، ڕۆژی سێشەممە لە 2ی مانگدا تاقیکردنەوە وهەڵسەنگاندنی کۆمپانیاکانی پارێزگای هەولێر و دهۆک و ئیدارە سەربەخۆکانی سۆران و زاخۆ بەرێوەدەچێت و لە ڕۆژی چوارشەممەوەیش ڕێکەوتی 3ی مانگ  تاقیکردنەوە و هەڵسەنگاندنی کۆمپانیاکانی پارێزگای سلێمانی و هەڵەبجە و ئیدارە سەربەخۆکانی ڕاپەرین و گەرمیان دەکرێت.

بەرێوەبەرایەتی گشتی حەج و عومڕە داوا لەسەرجەم کۆمپانیاکان دەکات کە ئامادەبن و لە ئەگەری ئامادەنەبوونیان مافی چوونیان بۆ حەج نابێت و هەروەها ئەو خاوەن کۆمپانیانەی کە لە ئێستادا لە گەشتی عومڕەن ئاگاداری مۆبایلەکانیان بن چونکە وەکوو هاوکارییەک بۆیان تاقیکردنەوەکە بە شێوەی ئۆنلاین بۆیان دەکرێت...