فه‌رمانده‌یه‌كی پارتی كرێكارانی كوردستان له‌قه‌ندیله‌وه‌ رایگه‌یاند؛  هیچ هه‌نگاوێكی تر نانێین ئه‌گه‌ر ئۆجه‌لان ئازاد نه‌كرێت.

هەواڵ: KNN

ئامه‌د مه‌لازگرت به‌فرانس پرێسی راگه‌یاند؛هه‌مو ئه‌و هه‌نگاوانه‌مان ناوه‌ كه‌ به‌ده‌ستپێشخه‌ری عه‌بدوڵا ئۆجه‌لان بوون" هه‌ربۆیه‌ بۆله‌مه‌ودوا هیچ هه‌نگاوێكی تر نانێین ئه‌گه‌ر خودی ئۆجه‌لان ئازاد نه‌كرێت.

دوپاتیشیكرده‌وه‌ كه‌ له‌مه‌ودوا له‌چاوه‌ڕوانی ئه‌و هه‌نگاوانه‌دان كه‌ ده‌وڵه‌تی توركیا ده‌ینێت و ئاماژه‌ی به‌وه‌شكرد: په‌كه‌كه‌ دوو داواكاری هه‌یه‌ كه‌ یه‌كێكیان ئازادكردنی ئۆجه‌لان و ئه‌ویتریشیان داننانی ده‌ستوریی و فه‌رمییه‌ به‌گه‌لی كورد له‌توركیا و وتیشی كه‌ چه‌ك له‌روو به‌رووبونه‌وه‌ی ده‌وڵه‌تی توركیا به‌كار ناهێنن.

لایخۆشیه‌وه‌ سه‌ڵدا مه‌زڵوم گابار یه‌كێكی تر له‌ژنه‌ سه‌ركرده‌كانی په‌كه‌كه‌ به‌فرانس پرێسی راگه‌یاندوه‌: مادام سه‌رۆك ئاپۆ له‌زینداندایه‌ ئه‌وا گه‌لی كورد ئازاد نییه‌ و گه‌ریلاش هه‌ست به‌ئازادی ناكات .