خۆبەڕێوەبەریی ڕۆژئاوای کوردستان داوای گرەنتیکردنی نێودەوڵەتیی دەکات بۆ گەڕانەوەی ئاوارەکانی عەفرین و سەرێکانی و دەڵێت ئەوەی لە سوریا ڕوودەدات دەرخەری باشنەبوونی دۆخی ئاساییشەوە.

هەواڵKNNC

لەگەڵ نزیکبوونەوە لە ساڵڕۆژی ئاوارەوبوونی کوردانی ڕۆژئاوا لە عەفرین و سەرێکانی و گرێسپی و شەهبا، بەڕێوەبەریی خۆسەری ڕۆژئاوای کوردستان بەیاننامەیەکی بڵاوکردەوە و تیایدا داوایکرد، هاوپەیمانان و کۆمەڵگەی نێودەوڵەتی گرەنتی گەڕانەوەی کوردانی ئاوارەی ئەو ناوچانەبکەن بۆ زێدی خۆیان، چونکە تا ئێستا هەلومەرڤی گەڕانەوەیان بۆ نەڕەخسێنراوە لەلایەن دەسەڵاتی سوریاوە.

خۆبەڕێوەبەریی ئاماژەی بەوەشکردوە، کۆتاییهێنان بە پێشێلکارییەکان و هەڵگرتنی داگیرکاریی مەرجێکی گرنگن بۆ دووبارە بنیاتنانەوەی متمانە لە نێوان سوورییەکان و گەیشتن بە سەقامگیریی لە وڵاتەکەدا.

خۆبەڕێوەبەریی ڕۆژئاوای کوردستان: گەڕانەوەی کوردانی عەفرین و سەرێکانی و گرێسپی و شەهبا و ناوچەکانی دیکە، لەپێشینەن و بە بەردەوامی لە کۆبوونەوەکانیدا لەگەڵ هێزە سیاسی و کۆمەڵایەتی و نێودەوڵەتییەکان باسکراون و باسدەکرێن، پرسەکە ناوەندییە و پاشەکشەی لێناکرێت و بنەمای ئاشتیین لە سوریان.

ئاماژە بەوەشدراوە، کە شۆڕسی سوریا هی هەموو پێکهاتەکان و گەلی سوریایە و نابێت هیچ لایەک پشتگوێبخرێت لە بنیادنانەوەی سوریا، بە پێچەوانەوە ئەوانەی ڕوودەدات دەرخەری وەلانان و هەبوونی ناوەندییەتی دەسەڵاتە کە پێستریش داواکراوە حکومەت هەڵوێستی لەبارەی کردار و وتارە ڕەگەزپەراستانە و دژەپێکەوەییەکانی هەبێت...