بزوتنەوەی نوجەبا پەیامێکی توند ئامێزی ئاراسته‌ی واشنتن كردو  ده‌ڵێت؛ قۆناغی داهاتوی به‌رخودان گۆڕانکاریی گەورەی بەخۆیەوە  ده‌بینێت .

هەواڵ: KNN

فیراس یاسر، ئەندامی ئەنجومەنی سیاسیی بزوتنەوەی نوجەبا، لە لێدوانێکدا بۆ ئاژانسی (تەسنیم)ـی ئێرانی رایگه‌یاند: بەرەی به‌رخودان- مقاوەمە ستراتیژییەکانی خۆی گۆڕیوە و له‌ئێستادا دۆسێی ئه‌منی ته‌واو پێشكه‌وتوه‌ كه‌ خۆی له‌پاراستنی سه‌ركرده‌كانی و به‌كارهێنانی ته‌كنه‌لۆژیای نوێی په‌یوه‌ندیكردن و پاراستنی بنكه‌و باره‌گاكانیدا ده‌بینێته‌وه‌.

 جه‌ختی له‌وه‌شكردوه‌ پێشتر له‌كاتی روو به‌روو بوونه‌وه‌كان ئه‌و ئامانجانه‌ دیاریكراوبوون كه‌ په‌لامارده‌دران به‌ڵام بۆ له‌مه‌ودوا له‌ئامانجی ناباو ده‌درێت، كه‌ ئه‌وه‌ش كاریگه‌ری له‌سه‌ر ئیسرائیل و ئه‌مریكا له‌عیراق و ناوچه‌كه‌دا ده‌بێت.

فیراس یاسر راشیگه‌یاند؛ ئەمریکا هیچ نیازێکی نییە لە عێراق بکشێتەوە، بەڵکو ئه‌وه‌ی هه‌یه‌ گواستنه‌وه‌ی ئه‌ركه‌كانیه‌تی و ئاشكراشیكرد كه‌ په‌لاماردانی بنكه‌ی هێزه‌كانی ئه‌مریكا له‌ئان و ساتدایه‌ و كاری له‌و جۆره‌ به‌دور نازانێت.