چوارچێوەی هەماهەنگی قۆناغی دانوستان دەگۆڕێت
بۆ بڕیاردان و کاندیدی سەرۆکوەزیران یەکلادەبێتەوە و پێکهێنانی حکومەت دەچێتە قۆناغێکی
نوێوە.
هەواڵ:KNNC
بڕیارە ئەمڕۆ کۆبوونەوەی هاوپەیمانی چوارچێوەی
هەماهەنگی بەڕێوەبچێت بۆ درێژەدان بە پرسی حکومەتی داهاتوو، لەوبارەیەوە سەڵاح بوشی
ئەندامی هاوپەیمانی دەوڵەتی یاسا ڕایگەیاند: چوارچێوەی هەماهەنگی بە فەرمی لە قۆناغی
دانوستانەوە چووەتە قۆناغی بڕیاردان سەبارەت بە پێکهێنانی حکومەت و هەڵبژاردنی سەرۆک
وەزیران.
وتوشییەتی هەموو هەوڵێکی چوارچێوەی هەماهەنگی
بۆ ئەوەیە کە بۆشایی یاسایی و دەستوریی لە وڵاتدا دروستنەبێت لەبارەی پێکهێنانی
حکومەت و لەگەڵ هێنانەکایەی حکومەتێکی سەقامگیر و بێکێشە و بەربەستی سیاسیین.
لەلایەکی دیکەوە عەلی دیفاعی ئەندامی مەکتەبی سیاسی
و وتەبێژی ئەنجومەنی باڵای ئیسلامیی، لەبارەی پرسەکەوە وتویەتی، کۆبونەوەی ئەمڕۆ
گرنگ و یەکلاکەرەوە دەبێت و قۆناغی دانوستان و گفتوگۆ لەبارەی حکومەت دەگۆڕێت بە
قۆناغی بڕیاردان.
20 ڕۆژ بەسەر هەڵبژاردنەکان بۆ خولی شەشەمی ئەنجومەنی نوێنەرانی عێراقدا تێپەڕیوە هەوڵەکانی پێکهێنانی حکومەت و یەکلاکردنەوەی پۆستی سێ سەرۆکایەتیەکە چڕکراونەتەوە، کە سەرۆکوەزیران بۆ شیعە و سەرۆکی پەرلەمان بۆ سوننە و کوردیش پۆستی سەرۆککۆماری لادەبێت و تا ئێستا دیارنییە کامە لایەنی کوردیی پۆسەتەکە وەردەگرێت....
243 جار خوێندراوەتەوە